CM ਮਾਨ ਦੇ OSD ਰਾਜਬੀਰ ਘੁੰਮਣ ਮਾਮਲੇ 'ਚ ED ਦੀ ਐਂਟਰੀ, ਜਲੰਧਰ 'ਚ ਕੇਸ ਦਰਜ

ਪੰਜਾਬ
ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਓ.ਐੱਸ.ਡੀ. (OSD) ਰਾਜਬੀਰ ਸਿੰਘ ਘੁੰਮਣ ਨਾਲ ਜੁੜੇ ਮਾਮਲੇ ਵਿੱਚ ਈ.ਡੀ. (ED) ਦੀ ਐਂਟਰੀ ਹੋ ਚੁੱਕੀ ਹੈ। ਕੇਂਦਰੀ ਜਾਂਚ ਏਜੰਸੀ ਈ.ਡੀ. ਨੇ ਜਲੰਧਰ ਸਥਿਤ ਆਪਣੇ ਖੇਤਰੀ ਦਫ਼ਤਰ ਰਾਹੀਂ ਇਸ ਮਾਮਲੇ 'ਚ ਕੇਸ ਦਰਜ ਕੀਤਾ ਹੈ। ਇਹ ਕਾਰਵਾਈ ਇਸ ਲਈ ਵੀ ਅਹਿਮ ਹੈ ਕਿਉਂਕਿ ਇੱਕ ਦਿਨ ਪਹਿਲਾਂ ਹੀ 12 ਅਕਤੂਬਰ ਨੂੰ ਸੁਪਰੀਮ ਕੋਰਟ ਨੇ ਰਾਜਬੀਰ ਘੁੰਮਣ ਦੀ ਗ੍ਰਿਫ਼ਤਾਰੀ ਅਤੇ ਕਿਸੇ ਵੀ ਸਖ਼ਤ ਕਾਰਵਾਈ 'ਤੇ ਅੰਤਰਿਮ ਰੋਕ ਲਗਾਈ ਸੀ।
ਈ.ਡੀ. ਅਨੁਸਾਰ ਇਹ ਮਾਮਲਾ ਟਰਾਂਸਫਰ-ਪੋਸਟਿੰਗ, ਸਰਕਾਰੀ ਨੀਤੀਆਂ, ਟੈਂਡਰ, ਸੀ.ਐੱਲ.ਯੂ. (CLU) ਅਤੇ ਜਮੀਨ/ਰੀਅਲ ਅਸਟੇਟ ਵਿੱਚ ਕਥਿਤ ਗੜਬੜੀਆਂ ਨਾਲ ਜੁੜਿਆ ਹੋਇਆ ਹੈ। ਜੁਲਾਈ-ਅਗਸਤ 2026 ਦੌਰਾਨ ਈ.ਡੀ. ਨੇ ਪੰਜਾਬ ਦੇ ਡੀ.ਜੀ.ਪੀ. ਗੌਰਵ ਯਾਦਵ ਨੂੰ 3 ਪੱਤਰ ਲਿਖ ਕੇ ਐੱਫ.ਆਈ.ਆਰ. ਦਰਜ ਕਰਨ ਦੀ ਮੰਗ ਕੀਤੀ ਸੀ। ਜਾਂਚ ਵਿੱਚ ਨਿਤਿਨ ਗੋਹਲ ਦਾ ਨਾਂ ਸਾਹਮਣੇ ਆਇਆ ਸੀ, ਜਿਸ ਨੂੰ ਸਰਕਾਰੀ ਕੰਮ ਕਰਵਾਉਣ ਵਾਲਿਆਂ ਅਤੇ ਓ.ਐੱਸ.ਡੀ. ਵਿਚਕਾਰ ਵਿਚੋਲੀਆ ਦੱਸਿਆ ਗਿਆ ਹੈ।
ਛਾਪੇਮਾਰੀ ਦੌਰਾਨ ਨਿਤਿਨ ਗੋਹਲ ਕੋਲੋਂ 20.98 ਲੱਖ ਰੁਪਏ ਨਕਦ, ਅਹਿਮ ਦਸਤਾਵੇਜ਼ ਅਤੇ ਵਟਸਐਪ ਚੈਟ ਵਰਗੇ ਡਿਜੀਟਲ ਸਬੂਤ ਮਿਲੇ ਹਨ। ਇਸ ਤੋਂ ਪਹਿਲਾਂ 5 ਅਕਤੂਬਰ ਨੂੰ ਪੰਜਾਬ-ਹਰਿਆਣਾ ਹਾਈ ਕੋਰਟ ਨੇ ਸੀ.ਬੀ.ਆਈ. (CBI) ਨੂੰ ਮਾਮਲਾ ਦਰਜ ਕਰਕੇ ਦੋ ਮਹੀਨਿਆਂ 'ਚ ਸਟੇਟਸ ਰਿਪੋਰਟ ਦੇਣ ਦਾ ਹੁਕਮ ਦਿੱਤਾ ਸੀ। ਇਸ ਦੇ ਖਿਲਾਫ ਪੰਜਾਬ ਸਰਕਾਰ ਨੇ 6 ਅਕਤੂਬਰ ਨੂੰ ਸੁਪਰੀਮ ਕੋਰਟ ਵਿੱਚ ਐੱਸ.ਐੱਲ.ਪੀ. (SLP) ਦਾਖਲ ਕੀਤੀ ਸੀ। ਈ.ਡੀ. ਦੀ ਇਸ ਨਵੀਂ ਕਾਰਵਾਈ ਨਾਲ ਪੰਜਾਬ ਦੀ ਰਾਜਨੀਤੀ ਵਿੱਚ ਹਲਚਲ ਤੇਜ਼ ਹੋ ਗਈ ਹੈ।

---

ED registers case against Punjab CM Bhagwant Mann's OSD Rajbir Ghuman in Jalandhar following corruption allegations involving real estate, CLU, and transfers.

पंजाब के मुख्यमंत्री भगवंत मान के OSD राजबीर घुम्मन के खिलाफ ED ने जालंधर में मामला दर्ज किया है। यह कार्रवाई कथित भ्रष्टाचार और मनी लॉन्ड्रिंग से जुड़ी है।